Staðarreglur
Öryggismál
Öryggismyndavélar eru á staðnum og fylgjast með aðstöðu og búnaði.
Aðstaða / Ábyrgð
Sá sem bókar aðstöðuna er ábyrgur fyrir hvers kyns tjóni af völdum misnotkunar eða gáleysis sem verður á þeim tíma sem þeir hafa aðstöðuna bókaða. Hleypið engum öðrum inn í rýmið sem ekki er á ykkar vegum, þeir sem eiga erindi/bókaðan tíma í aðstöðuna fá sendan kóða og komast inn aðstoðarlaust. Persónulegar eigur viðskiptavina eru ávallt á þeirra eigin ábyrgð.
Aldurstakmark
Iðkendur 2014 og yngri geta ekki verið í aðstöðunni án þess að vera í fylgd fullorðinna. Greiðsluaðili ber ábyrgð á tjóni af þeirra völdum ef þessi regla er brotin.
Mæting / Tími
Mikilvægt er að sýna öðrum þá tillitsemi og virðingu sem maður vill sjálfur fá, mætum á réttum tíma og hættum á réttum tíma. Ef enginn er með bókaðan tíma á eftir þér slökktu þá á búnaði og ljósum þegar þú yfirgefur aðstöðuna.
Umgengni
Göngum vel um aðstöðuna og skiljum við hana eins og við komum að henni. Setjið rusl í ruslafötur og dósir í dósafötur.
Skór
Til að halda aðstöðunni hreinni og til að vernda grasið verður að fara úr útiskóm við inngang og aðeins nota skó sem eru hreinir á grasmottunum.
Golfboltar og kylfur
Boltar sem eru skemmdir, óhreinir eða merktir með túss geta skemmt/skilið eftir sig far á tjaldinu, því er eingöngu leyfilegt að nota bolta sem eru ómerktir, heilir og hreinir.
Kylfur verða einnig að vera hreinar af sömu ástæðu, til að vernda tjaldið og grasið. Hægt er að þrífa kylfur og bolta í aðstöðunni áður en leikur hefst.
Veitingar
Sjálfsafgreiðsla er í aðstöðunni, greiða skal fyrir drykki úr kæli og sælgæti áður en það er tekið til neyslu. Leiðbeiningar fyrir sjálfsafgreiðslu eru á staðnum. Verum ábyrg og gætum þess að veitingar skemmi ekki búnað.
Samskipi / Aðstoð
Aðstaðan er byggð á sjálfsafgreiðslu, engir starfsmenn eru á staðnum. Vinsamlegast tilkynnið öll vandamál sem kunna að koma upp við notkun aðstöðunnar í gegnum tölvupóst á teigurinn@teigurinn.is eða í gegnum heimasíðu. Ef upp koma neyðartilfelli þá eru símanúmer skráð á veggplatta á veggnum við enda inngangsins.